જોબનપુત્રા પરિવારના સહયોગથી ‘કેર ફોર હ્યુમેનિટી’ દ્વારા સતત ચોથા વર્ષે યોજાશે ભવ્ય ‘મેગા મેડિકલ કેમ્પ’

કેમ્પમાં આવનાર દર્દીઓને એક અઠવાડિયાની દવાઓ તદ્દન મફત આપવામાં આવશે

જામનગર:
દર મહિને એક વિશિષ્ટ સેવાકીય કાર્ય કરવાની પવિત્ર નેમ સાથે સમાજમાં સતત સક્રિય એવી જામનગરની જાણીતી સંસ્થા ‘કેર ફોર હ્યુમેનિટી’ દ્વારા પ્રતિ વર્ષની પરંપરા મુજબ  સતત ચોથા વર્ષે એક વિશાળ *‘મેગા મેડિકલ કેમ્પ’*નું આયોજન કરવામાં આવ્યું છે. આ કેમ્પ ધીરજલાલ ત્રિભોવનદાસ જોબનપુત્રા પરિવારના સહયોગથી યોજાઈ રહ્યો છે.

​કેમ્પની તારીખ, સમય અને સ્થળ:
​તારીખ: ૧૨-૦૭-૨૦૨૬, રવિવાર
​સ્થળ: કુંવરબાઇ જૈન ધર્મશાળા, એ. સી. હોલ, જામનગર.

​નિષ્ણાત તબીબોની સેવા અને રોગોનું નિદાન: આ મેગા કેમ્પમાં જામનગરના નામાંકિત પ્રાઇવેટ ડોક્ટર્સ, જી. જી. હોસ્પિટલના નિષ્ણાત તબીબો તેમજ રાજકોટના જાણીતા ડોક્ટર્સ પોતાની ફ્રી સેવાઓ આપવાના છે. કેમ્પમાં મુખ્યત્વે નીચે મુજબના રોગોનું નિદાન અને સારવાર કરવામાં આવશે:
​>> હાડકા અને સાંધાના રોગો
​>> ચામડી (સ્કીન) ના દર્દો
​>> દાંતની તકલીફો
​>> આંખના રોગો
​>> સાંભળવા તેમજ બોલવાની તકલીફ
​>> ડાયાબિટીસ અને બ્લડ પ્રેશર (બી.પી.)
​>> હૃદય રોગના દર્દો
​
ખાસ નોંધ: કેમ્પમાં આવતા દર્દીઓએ પોતાના રોગની જૂની ફાઈલ, રિપોર્ટ અથવા એક્સ-રે સાથે લાવવાના રહેશે. કેમ્પમાં નિદાન કરાવનાર તમામ દર્દીઓને એક અઠવાડિયાની દવાઓ તદ્દન મફત (ફ્રી) આપવામાં આવશે.
​
એડવાન્સ રજીસ્ટ્રેશન ફરજીયાત:
​કેમ્પની વ્યવસ્થાના ભાગરૂપે નામ નોંધાવવું (રજીસ્ટ્રેશન કરાવવું) ફરજીયાત છે. રજીસ્ટ્રેશન માટે નીચે આપેલા સંસ્થાના પ્રતિનિધિઓનો સંપર્ક કરવા વિનંતી છે:
​અતુલભાઈ ઠક્કર – 98986 72597      |    ​પારસભાઈ વોરા – 82001 54576
હાર્દિકભાઈ ઠક્કર – 73835 71916       |  ​  ઋષભ ભાઈ ઠક્કર – 99138 81033
​સપના શાહ – 74052 08797               |  ​  નંદિની રાચ્છ – 93130 78957

​‘કેર ફોર હ્યુમેનિટી’ સંસ્થા દ્વારા જામનગરની જાહેર જનતાને નમ્ર અપીલ કરવામાં આવેલ છે કે આ નિઃશુલ્ક મેગા મેડિકલ કેમ્પનો બહોળી સંખ્યામાં લાભ લે અને જરૂરિયાતમંદ લોકો સુધી આ માહિતી પહોંચાડે.