આ દેશ તેની ખેતી માટે જાણીતો છે, જ્યાં ઘઉંનો વિશ્વનો સૌથી મોટો પાક છે. જો કે, છેલ્લા કેટલાક વર્ષોમાં બની રહેલી વિચિત્ર ઘટનાઓએ દુનિયાભરમાં ભય ફેલાવ્યો છે.
તુર્કીના કોન્યા શહેરમાં 700 થી વધુ વિશાળ સિંકહોલ્સ દેખાયા છે, જેણે વૈજ્ઞાનિકોને ચિંતામાં મૂકી દીધો છે. આશ્ચર્યજનક રીતે, આ મોટા ખાડા મહિનાઓ કે વર્ષોના સમયગાળામાં નહીં, પરંતુ રાતોરાત પડ્યા છે, જે બાદ દેશમાં તેનો ભય ફેલાયો છે અને વૈજ્ઞાનિકો પણ ચિંતામાં મુકાયા છે. આ સિંકહોલ્સ ખેડૂતોની વિશાળ ખેતીની જમીનને ગળી રહ્યા છે, જેના કારણે તેઓ ભયભીત થઈ ગયા છે. ડ્રોન છબી દર્શાવે છે કે આ ખાડાઓ 100 ફૂટ પહોળા અને ઘણા ફૂટ ઊંડા છે. વૈજ્ઞાનિકોએ હજુ સુધી આ ખાડાઓ પાછળનું રહસ્ય શોધી શક્યા નથી.
આ વિશાળ સિંકહોલ્સ સૂચવે છે કે પૃથ્વી પાતાળમાં ડૂબી રહી છે. કોન્યા ટેકનિકલ યુનિવર્સિટીના પ્રોફેસરોએ પણ આ સિંકહોલ્સના સંશોધનમાં ઝુકાવ્યું છે. જોકે આ સિંકહોલ્સ 2000થી શરૂ થયા હતા, તાજેતરના સમયમાં તેમની સંખ્યા ઝડપથી વધી રહી છે. ડિસેમ્બર 2025 ના રોજના તાજેતરના અહેવાલમાં આ સંખ્યા 684 દર્શાવવામાં આવી છે, જે તુર્કીના “અનાજની ટોકરી” માટે નોંધપાત્ર ખતરો છે. આશ્ચર્યજનક રીતે, સિંકહોલ્સની પહોળાઈ અને ઊંડાઈ બંને વધી રહી છે.
દુષ્કાળ અને આબોહવા પરિવર્તનને કારણે તુર્કીમાં ભૂગર્ભજળનું સ્તર ઝડપથી ઘટી રહ્યું છે, ભૂગર્ભ ગુફાઓ અને ખાલી જગ્યાઓ નબળી પડી રહી છે, જેના કારણે જમીનનું સ્તર નીચે આવી રહ્યું છે. વરસાદના અભાવે આ દેશમાં આ દુષ્કાળની પરિસ્થિતિ ઉત્પન્ન છે. વરસાદ ઓછો થવાને કારણે કોન્યામાં તળાવો સુકાઈ રહ્યા છે. ખેડૂતો ઘઉં, બીટ અને મકાઈ જેવા પાક ઉગાડવા માટે ભૂગર્ભજળ પર આધાર રાખે છે. નાસાએ પણ ચેતવણી આપી છે કે તુર્કીમાં પાણીનું સ્તર 15 વર્ષના નીચલા સ્તરે પહોંચી ગયું છે.
