ભારતીય જનતા પાર્ટીએ સંગઠનમાં એક મોટો ફેરફાર કર્યો છે, જેમાં બિહાર સરકારના મંત્રી નીતિન નબીનને પાર્ટીના રાષ્ટ્રીય કાર્યકારી પ્રમુખ તરીકે નિયુક્ત કરવામાં આવ્યા છે. જાણો આ નીતિન નબીન કોણ છે, જેમને ભાજપ હાઇકમાન્ડ દ્વારા આટલી મહત્વપૂર્ણ જવાબદારી સોંપવામાં આવી છે.
નીતિન નબીન સિંહાનો જન્મ 23 મે 1980ના રોજ ઝારખંડના રાંચીમાં થયો હતો. તેઓ ભાજપના દિગ્ગજ નેતા અને ભૂતપૂર્વ ધારાસભ્ય નવીન કિશોર પ્રસાદ સિંહાના દીકરા છે. તેમણે 1998માં દિલ્હીની સી. એસ. કે. એમ. પબ્લિક સ્કૂલમાંથી તેમનું શિક્ષણ પૂર્ણ કર્યું છે.નવીન2006માં પટના પશ્ચિમથી પેટાચૂંટણીમાં પહેલી ચૂંટણી જીત્યા અને બિહાર વિધાનસભાના સભ્ય બન્યા હતા.
નીતિન નબીનનો પરિવાર અને પર્સનલ લાઈફ વિશે જાણો. કાયસ્થ સમુદાયમાંથી આવતા, નવીનનો જન્મ ઝારખંડના રાંચીમાં (23 મે, 1980) થયો હતો અને તેઓ દિવંગત પીઢ ભાજપ નેતા નવીન કિશોર પ્રસાદ સિંહાના દીકરા છે. માતાનું નામ મીરા સિહાં છે. તેમના પત્ની છે ડો. દીપમાલા શ્રીવાસ્તવ. નબીનને એક પુત્ર અને એક પુત્રી છે. 2005માં તેમના પિતાના અવસાન પછી તેમની રાજકીય સફર શરૂ થઈ હતી.
45 વર્ષીય નવીન બિહારના બાંકીપુર વિધાનસભા મતવિસ્તારનું પ્રતિનિધિત્વ કરતા પાંચ વખત ધારાસભ્ય રહ્યા છે. તેઓ બિહાર સરકારમાં મંત્રી છે. 2006માં, તેમણે પટના પશ્ચિમથી વિધાનસભા પેટાચૂંટણી લડી અને પહેલી વાર ધારાસભ્ય બન્યા. ત્યારથી તેઓ સતત જીત્યા છે. નીતિને વિદ્યાર્થીકાળમાં રાજકારણમાં પોતાની કારકિર્દીની શરૂઆત કરી, અખિલ ભારતીય વિદ્યાર્થી પરિષદ (ABVP)માં જોડાયા, ત્યારબાદ બિહાર રાજ્ય પ્રમુખ અને BJYM (ભાજપ યુવા મોરચા) ના રાષ્ટ્રીય મહાસચિવ બન્યા. તેમણે સિક્કિમ અને છત્તીસગઢમાં પાર્ટીના પ્રભારી તરીકે પાર્ટીના સંગઠનને મજબૂત બનાવ્યું. નવીન નીતિશ કુમાર સરકારમાં ઘણી વખત મંત્રી તરીકે સેવા આપી, માર્ગ બાંધકામ અને શહેરી વિકાસ જેવા વિભાગો સંભાળ્યા.
તેઓ 2006 માં તેમની પહેલી પેટાચૂંટણીથી ભારે બહુમતીથી ચૂંટણી જીતવા માટે જાણીતા છે, જેમાં તેઓ લગભગ 60,000 મતોથી જીત્યા હતા. આ વર્ષના અંતમાં યોજાયેલી ચૂંટણીમાં, તેઓ 51,000 થી વધુ મતોથી જીત્યા હતા. નબીનને તેમની નિમણૂક બદલ અભિનંદન આપતા, વડા પ્રધાન નરેન્દ્ર મોદીએ કહ્યું કે તેમણે એક મહેનતુ કાર્યકર તરીકે પોતાનું મૂલ્ય સાબિત કર્યું છે અને વિશ્વાસ વ્યક્ત કર્યો છે કે તેમની ઉર્જા અને સમર્પણ પાર્ટીને મજબૂત બનાવશે. તેઓ એક યુવાન નેતા છે જેમનો સમૃદ્ધ સંગઠનાત્મક અનુભવ છે અને બિહારમાં અનેક વખત ધારાસભ્ય અને મંત્રી તરીકે પ્રભાવશાળી રેકોર્ડ છે. તેમણે લોકોની આકાંક્ષાઓ પૂર્ણ કરવા માટે ખંતપૂર્વક કામ કર્યું છે. તેઓ તેમના નમ્ર સ્વભાવ અને વ્યવહારિક કાર્યશૈલી માટે જાણીતા છે
નીતિન નબીને 2025ની વિધાનસભા ચૂંટણી માટે તેમની મિલકતની વિગતો રજૂ કરી હતી. તેમણે જણાવ્યું હતું કે તેઓ 45 વર્ષના છે અને 12 પાસ છે. તેના પર પાંચ ફોજદારી કેસ પેન્ડિંગ છે. તેમની પાસે 1.6 કરોડ રૂપિયાની ચલ સંપત્તિ અને 1.5 કરોડ રૂપિયાની સ્થાવર સંપત્તિ છે. પરિણામે, તેમની કુલ સંપત્તિ 3.1 કરોડ રૂપિયા છે. વધુમાં, તેમની વ્યક્તિગત આવક 3.7 લાખ રૂપિયા છે. તેમની પાસે 56.7 લાખ રૂપિયા છે.
